«Быг-арда» – Шаркан ёросысь Быги гуртысь егитъёслэн огазеяськонзы

Одӥг ним улын егитъёс огазеяськизы 3 ар талэсь азьло, Быги гурт финн- угор культурая шоркар нимез нуллон аре. Соку егитъёс уно ужрадъёс ортчытонын юрттӥськизы. Туннэ но ужзэс азьланьто.

«Ӵемысь люкаськыса ми футболэн яке хоккеен шудӥськом, — вера «Быг-арда» огазеяськонлэн кивалтӥсез Гаврил Кузьмин. – Озьы ик ӵошен шур кузя сплаве ветлӥськом. Вуылӥм «Улетай» рок-фестивале. «Быг-быг» фестивальын но ми ма гинэ ӧм турттэ».

Егитъёс бордазы школаын дышетскисьёсты но кыско. Пӧртэм ужрадъёс соос понна лэсьто. «Быг-ардалэн» ёзчиосызлэн верамзыя, покчи эшъёсмы телефонъёсын но интернетын гинэ медаз пуке, соос умой, кулэ ужъёсы но мед пырискозы.