Быдэ вуэмлы сӥзем шулдыръяськон

Быдэ вуэмлы сӥзем шулдыръяськон 1

Ужрад вашкала сям йылолъёсыз улӟытон но соосты туала улонэ пыӵатон, удмурт егитъёслэсь творчествоя быгатонлыкъёссэс шараян вылысь радъяське.

«Эру» праздниклэн нырысетӥ нуналыз Зар-Вишур гуртын, нош кыкетӥез — Петуньки гуртын ортчоз. Татчы азьло аръёсы кадь ик 8 муртлэсь (4 нылъёс но 4 пиос) кылдытэм командаос пыриськозы. Туннэ нуналлы тодмо ини, соослэн лыдзы 10-лэсь трос люкаськоз шуыса.

Быдэ вуэмлы сӥзем шулдыръяськон 3

— Ужрадэ элькунысьтымы ёросъёс пыриськозы, озьы ик мукет улосвылъёсысь удмурт егитъёс люкаськозы. Татарстанысь команда пыриськоз, туэ нырысьсэ Пермь улосвылысь егитъёс мылкыд каризы вуыны, — вера удмурт егитъёслэн мерлыко «Шунды» огазеяськонзылэн тӧроез Алина Чернова.

Ужрад улсын егитъёс чеберлыкъя номеръёс возьматозы, асэнызы тодматозы, пельнянь кутозы, киужъя мастер-классъёсы, визьсынанъёсы пыриськозы. Со сяна, туж тунсыко «Кык дыдыкъёс» нимо конкурсын вожвылъяськозы. Нылъёс карнанэн ву нуллозы, черсозы, нош пиос – пу вандозы, пукыӵен ыбылӥськозы.

Поделитесь с друзьями:
Аватар егор зуев

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий