«Будӥсь писательлэн ӝӧк сьӧраз» конкурс 31-тӥ толшорозь кыстӥськоз
Школаосын, техникумъёсын но университетъёсын дышетскисьёс быгато «Будӥсь писательлэн ӝӧк сьӧраз» конкурсэ пыриськыны.
Конкурсэз 10-тӥзэ радъя литературалы сӥзем Г. Д. Красильников нимо музей-квартира.
Таяз радэ конкурс сӥземын луоз удмурт писательлэн Геннадий Красильниковлэн вордскем дырысьтыз 95 ар тырмонлы. Вормисьёслэн ужъёсы Элькунысьтымы газет-журналъёсын печатламын луозы.
Кылбурез яке веросэз удмурт но ӟуч кылъёсын гожтыны яра. Быдӟалазы куинь А4 кагазлэсь бадӟым луыны кулэ ӧвӧл.
Нимаз дунъяськозы 1-тӥ-4-тӥ, 5-тӥ-7-тӥ, 8-тӥ-11-тӥ классъёсын, техникумъёсын но университетъёсын дышетскисьёс.
Ужъёсты келяно krasmuzey@mail.ru электрон адресъя 31-тӥ толшорозь.
Пыр-почгес – музей-квартиралэн «ВКонтакте» бамаз.