«Бродвей-инклюзив» театр студия — вормись

    "бродвей-инклюзив" театр студия - вормись 1

    «Алтын Майдан Крым» инклюзив калыккуспо фестивальын Ижкарысь «Бродвей-инклюзив» театр студия возьматӥз удмурт шаер сярысь юри дасям мюзиклзэ. Отын валтӥсь геройёс тӧдьы юсь, италмас сяськаос, Ижик. Студие таза нылпиосын ӵош сӧсыръёс но пырисько. Таӵе бадӟым фестивале соос нырысьсэ вуылӥзы.

    Вера студилэн ёзчиез Татьяна Бочкарёва: «Милям нылпиосмы одӥг но ӧз возьдаське, туж умой эктӥзы, быгатонлыкъёссэс сцена вылын возьматӥзы.  Мюзиклын Удмуртимы сярысь верамы, удмуртъёслэн яратоны сяськазы италмас сярысь кырӟам, эктӥм. Милемлы асьмелы но туж кельшиз. Кабардино-балкаръёс шуизы, таӵе ик фестиваль ортчытыны быгатӥзы ке, нырысь ик милемыз ӧтёзы».

    Фестивальын зэмос герой луиз Игорь Юферев. Отын соос анаеныз ӵош быдэстӥзы яратоно эктонзэс. Игорь даун синдромен вордӥськемын. Но анаезлы луыса пияш мыло-кыдо, быгатӥсь, шӧртчи будэ. Ӵошен эктонзэс учкисьёс ӟырдыт кичабонъёсын пумитазы.

    «Игоре мынам туж эктыны яратэ, соин ик со вань эктонъёсы пыриськиз, — шуэ Людмила Юферева. — Пляжын но со эктӥз, кытын крезьгурез кылэ вал, котькытын эктӥз. Сое синйылтӥллям но сюрс адями пӧлысь солы гинэ нимысьтыз кузьым шуыса диплом сётӥзы».
    Нош студилэн огъя вормонъёссыз сярысь верано ке, соос узыресь. Эктэмзы понна нырысетӥ интыен 4 дипломъёс но кырӟамзы понна одӥг 3-ти интыен диплом утӥзы.

    http://www.myudm.ru/