«Брангуртысь песянайёс» но Александр Бречалов Москваын перепеч пыжизы

«Удмуртилэн пӧранъя йылолъёсыныз тунсыкъяськон сярысь лыдпусъёс но мылкыдъёс верало. Вашкала купеч карысь – Сарапулысь — одӥгаз ресторанэ араз 9 сюрс 500 туристъёс вуыло. Сарапулын ньыль сыӵе ресторанъёс. Сыӵе бадӟым тунсыкъяськонлэн одӥгез мугез удмурт сиён-юонъёслэн огшоры но валамон луэмзы бордын. <…> Туннэ Удмуртиын туристъёслы йӧскалык лулчеберетэ зымыны но йӧскалык сиёнъёсты пӧранэ пыриськыны луонлык сёто. Сое ӵектос «Лудорвай» музей-заповедникын но Брагнутысь песянайёс дорын, соос 2012-тӥ арысен доразы туристъёсты пумитало», — шуиз Александр Бречалов, Удмуртилэн тӧроез.

Гала-ужинэ люкаськем куноосты но журналистъёсты Удмуртиысь рестпорнъёслэн шеф-поваръёссы пӧртэм удмурт сиёнъёсын утялтӥзы.

Кызьы вераз вераз Ростуризмлэн «Гастрономическая карта России» федерал ӵектосэзлэн координаторез Екатерина Шаповалова, Москваысь «Ruski» ресторанын «Удмурт Элькунлэн арняез» кунмы шоры дышем сямен учконэз воштэ, татын икраен табань но борщ сяна, мукет сиёнъёс но вань шуыса возьматэ.

«2012-тӥ арын «Брангурт песянайёслэн» Евровидениын вормонзылы луыса быдэс дунне Россилэн лулчеберетъя пӧртэмлыкез сярысь тодӥз. Песянайёс ваньзэсты перепечен утялтӥзы. 2018-тӥ арын футболъя дуннелэн чемпионатэз дыръя ортчытэм фестивальёсамы но перепеч тужгес вӧлмемез сиён вал. <…> Удмурт черкогуртысь песянайёс Россилэн туризмъя тужгес тодмамон брендэз луизы, нош ми ваньзэсты Удмуртиез шӧмъяны ӧтиськомы», — вера Екатерина Шаповалова, «Гастрономическая карта России» федерал ӵектослэн координаторез.

«Ruski» ресторанын Удмуртилэн арняез 5-тӥ гудырикошконозь кыстӥськоз.

Тодэ вайытом, Удмуртиын улӥсьёсты 7-8 куарусёнэ Коми элькунысь финн-угор йӧскалык лулчеберетъя паркын ортчись финн-угор калыкъёслэн сиён-юонъёссыя «ШаньгаФест» калыккуспо фестивале пыриськыны ӧтё.

https://udmurt.media/udm/news/kultura-i-turizm/61574/