Богдан Анфиногенов но Мария Корепанова «Лица России. XXI век» книгалэн геройёсыз луозы

Ивортодэтъя «Финноугрия» центр ивортэмъя книгае Россиысь пӧртэм калыкъёслэсь кылъёссэс, лулчеберетсэс но йылолъёссэс утись но азинтӥсь егитъёс сярысь веранъёс пырозы. Та дырлы экспертъёслэн кенешсы Россиысь вань федерал округъёсысь пӧртэм йӧслыкен 20–40 аресъем 40 адямиосты бырйиз. Тросэз соос пӧлысь йӧскалык мер огазеяськонъёслэн ёзчиоссы, творчествоя коллективъёсы пыриськисьёс, лулчеберет, дышетон, искусство но ивортодэт вӧлмытон удысын ужасьёс.

«Лица России. XXI век» ӵектос лулчеберетъёслэн пӧртэмлыксы данъяськыны но мерлыкын огазеяськыны муг луэ шуыса возьматэ. Книга-альбом 2018-тӥ арын сӥзьыл потоз. Ватсалом, ӵектос Россилэн азьмуртэзлэн грантъёсъя фондэз юрттэмен улонэ пыӵа. Тодэ вайытом, 2017-тӥ арын озьы ик со фондысь коньдон удмурт егитъёслэн «Шунды» огазеяськонзы но «Удмурт Кенеш» утӥзы.

Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/obshchestvo/33396/