«Билингва» центр ортчем арлы йылпумъянъёс лэсьтӥз

Кыккылолыко «Билингва» ӵектос Президенд фондысь утэм грантлы луыса улонэ пыӵа. Анай-атайёслы семинаръёс, логопедъёслэн, психологъёслэн консультациоссы, пиналъёслы пӧртэм ӧръёсъя занятиос — ваньмыз со 3 ар ӵоже мынэ ни.

«Быдэстэм ужмылэн пайдаез туж шӧдиське, — шуэ проектлэн кивалтӥсез Татьяна Волкова. – Удмурт кылын вераськисьтэм пиналъёсмы нырысь одӥг-кык кылъёсты пыртыса, собере кылсочетаниосын, предложениосын вераськыны кутскизы. Тунсыксэс йылтон понна ми пӧртэм амалъёсты утчаськом. Кылсярысь, суредъёсъя вожвылъяськон, егит блогеръёс куспын конкурс ортчытӥм, Ютуб-каналын бам усьтӥм».

Вуоно арын проект ужзэ азьланьтоз,  Ижкарын сяна, ёросъёсы но каръёсы потыса. 2019-тӥ арын Дэри но Эгра ёросъёсын ужаны кутскозы «Билингва» центрлэн филиалъёсыз.