Бигеръёс но башкиръёс валче ужрад ортчытизы

Таӵе ужрад Удмуртиын нырысьсэ ортчиз. Азьвыл аръёсы бигер но башкир огазеяськонъёс нимаз конкурсъёс ортчытылӥзы. Таяз учырын соос огазеяськыса ужазы.Таӵе амал фестивале пыриськисьёслы 2 нунал ӵоже ог-огенызы матэгес тодматскыны, кенешыны луонлык сётӥз.

Шулдыръяськонъёс сяна, 2 конференци но ортчытэмын вал: «Татарское национально-культурное движение в УР: Истоки и современность» но «Отражение деятельности общественных организаций в национальных СМИ» темаосъя.

Ужазы пӧртэм мастер-классъёс: «Бигер но башкир эктонъёслэн кылзы», «Фольклор — сцена вылын», «Вокалъя урокъёс», «Журналистика – йӧскалык культураез азинтонъя одӥгез кужмо амал», «Калфакез но тюбетейкаез лэсьтон», «Видеокамераен ужан».

Фестивальлэн 2-тӥ нуналыз Калыкъёслэн Эшъяськон юртазы ортчиз. Нырысь Удмуртиысь бигеръёслэн быръёнъёсъя конференцизы радъяськиз, нош собере фестиваль-конкурсын вормисьёслэн гала-концертсы.