«БиГерд» куатетӥзэ ортчиз

«бигерд» куатетӥзэ ортчиз 1 Иворъёс

2-тӥ пӧсьтолэзе йылпумъяськиз егит азьветлӥсьёс понна радъяськись «БиГерд» форум. Туэ со ортчи Татарстанысь Бавлы ёросын.

«БиГерд» улсын егитъёс пӧртэм тодон-валан люкало но сое уже куто, Татарстанын улӥсь удмуртъёс понна Гырон быдтонэз радъяса.

Туэ егитъёст 4 улысъёсын тодон-валан люказы. «Творчество» ӧрын лулчеберет удысын тыршисьёс Елизваета Бехтерева но Светлана Зянкулова азьветлӥсьёсты удмурт эктонъёслы но кырӟанъёслы дышетӥзы. «Этноблогингын» егитъёс тодӥзы, кызьы лэсьтӥське блог, кызьы сое шонер нуоно но аслэсьтыд лыдӟисьтэ шедьтоно. Та ӧрын выль тодон-валан егитъёслы сетӥзы программист Виталий Пронин но Татарстанысь удмуртъёслэн огазеяськоназы тыршись Ольга Чайникова.  «Фольклор»  площадкаын егитъёс удмуртъёслэсь вашкала шудонъёссэс эскеризы. Искусство наукаосъя кандидат, этномузыколог Екатерина Сфоронова шудонъёсты возьматон сяна, соослэсь пуштроссэз но кулэлыксэз валэктӥз на. Нош дышетӥсь, Россиысь художникъёслэн огазеяськонзылэн ёзчиез Алексей Степанов тодматӥз люкаськемъёсты Лэн-арт направлениен. Соос неръёслэсь но писпу вайеслэсь койыкез лэсьтӥзы.

Вань быгатылонкъёссэз азьветлӥсьёс адӟытӥзы Гырон быдтон шулдыръяськонын: кырӟасьёс но эктӥсьёс концерт возьматӥзы, «Фольклор» направлениысь нылпиос лыктэм калыклы шудонъёс ортчытӥзы, «этноблогеръёс» туспуктэмъёс лэсьтӥзы, нош дизайнеръёслэн койыксы шулдыръяськон бусые пыронэз чебертӥз.

Поделитесь с друзьями:
Дом Дружбы народов