Бигер усадьба кылдоз «Лудорвай» музей-заповедникын

    Пуктӥськон ужъёс мытэмын ини. «Лудорвае» вуттэмын Биктеш гуртысь тылпу каланча. Биктеш Ижкарлэсь 150 иськемын интыяськемын. Тылпу каланча сяна, бигер усадьбаын «туриен» колодча но мечеть сылозы на. Нош матысь дыре ӧнерчиос экспонатъёсты — корка котырын кутӥськись арбериосты, люканы кутскозы.

    «Азьпалан выль усадьбаямы Удмуртиын улӥсь бигеръёслэсь сям-йылолъёссэс возьматом, — шуэ музей-заповедниклэн кивалтӥсезлэн воштӥсез Ирина Вершинина. – Куноосты «чепецкой бигеръёс» но «ижкар бигеръёс» шуиськись калыкъёсын тодматом. Ми люкалом соослэн улоназы кутӥськись юртъер котырысь арбериосты. Соос туж вужесь ни ке, ми соосты ас туссыя выльдом».