Бигер шаерын «Егит куараос» фестиваль-конкурс ортчиз

Вожвылъяськонлэн йылпумъянъёсызъя, 1-тӥ степенё Дипломен лауреат луиз Альбина Якимова, 2-тӥ степенё – Сутэр Починкаысь Снежана Иванова, 3-тӥ степенё – Вуж Учаысь Ольга Воронцова.

Конкурсэ вань пыриськем егитъёс дипломъёсын но син-пель кузьымъёсын пусйемын.

«Вераме потэ, тӥ ваньды ӟечокъёс, — вазиське фестивале пыриськисьёслы Кукмор ёросысь удмурт егитъёслэн кивалтӥсьсы Майя Танасева. – Сӥземе потэ — мынэ азьлань, эн дугдылэ, кырӟалэ, пыриське пӧртэм ужрадъёсы. Тодэ, егит дыр одӥг пол гинэ луэ. Ӵапак егит дыр вакытэ улонысь интыез шедьтыны луэ. Егитлык – со яратон, вормонъёс, малпанъёс, кужым!»