Бигер кылъя курсъёс усьтӥськозы Ижкарын

Котькуд кӧснуналэ отын выль лыктэм муртъёсты бигер кыллы дышетозы, нош арня нуналэ — кыкетӥ арзэ дышетскисьёсты.

Туэ нылкышноосты но нылпиосты нимаз люканы кенешемын. Занятиос шудыса яке учебникъёсъя мынозы. Кызьы шуо курсъёсты радъясьёс, занятиосы ветлэмъёс борысь кар но элькун ужрадъёсы мыло-кыдо пыриськыны кутско.

«Курсъёсамы пӧртэм выжыысь адямиос лыкто. Нырысь-валысь соос бигер кылын одӥг кыл но вераны уг быгато, но дыр ортчемъя йӧндырыны, валаны кутско. Милям курсъёсмы – со кылмес утёнъя одӥгез  амал луэ. Дышетытэк со быроз шуыса кышкытлык вань», — шуэ бигер кылъя дышетӥсь Тавкиля Тулбаева.