Бесерманъёслэн «Кӧрбан» элькун шулдыръяськонзы ортчоз Юкаменск ёросын 8-тӥ инвожое

    Бесерманъёслэн «кӧрбан» элькун шулдыръяськонзы ортчоз юкаменск ёросын 8-тӥ инвожое 1

    «Кӧрбан» бесерманъёслэн валтӥсь шулдыръяськонзы луэ но кык арлы огпол элькун инлыкен ортчытӥське. Быдэс улосвылысь люкаськем бесерманъёс ӟеч ю нянь, тазалык, тыро улон курыса вӧсясько, ӝукез вӧсяло.

    2019-тӥ арын элькун шулдыръяськонлэн валтӥсь темаез луоз «Улон питран: вашкалаысь туалае» («Колесо истории: из прошлого в настоящее»). Куноос бесерманъёслэн улон-вылонэнызы тодматскыны, «Кут сутон» сям-йылолэз адӟыны быгатозы.

    Ужрад 11 часын кутскоз. Куноосты сяме пырем кырӟанъёсын но пӧраськемъёсын пумиталозы. Нош бӧрысь пӧртэм площадкаос ужаны кутскозы:

    «Усточикар» — чеберлыко киужъёсъя центръёсысь вузъёсты адӟытон-вузан;

    «Вэсям жук» — сям-нерге ӝукез вӧсян;

    «Возьвыл жӧк» — возьвыл сям-нерге ӝӧк;

    «Наське мӧнэсьтӧм дэремме» — бесерман йӧскалык дӥсьёсын конкурс-дефиле;

    «Гондыр сэрег» — нылпиослы шудон площадка;

    «Кӧрбан шӧдонъёс» — вань мылкыд карисьёслы спортъя но шудонъя площадка;

    «Бесерман мадьёс» — творчествоя коллективъёслы, кырӟась-эктӥсьёслы площадка.

    https://udmurt.media/udm/news/kultura-i-turizm/55603/