Башкортостанын удмурт гимназия луоз

Вуоно дышетскон арез школа выль инлыкен ужаны кутскоз. Башкортостанын удмуртъёслы нимысьтыз гимназия усьтон сярысь пуктэт кутэмын 4 ар талэсь азьло. Соку ик Улын Балтач школаын экспериментальной классъёс усьтӥськизы.

Гимназия кылдытэмен тодон-валан сётонын воштиськонъёс луозы — удмурт кылъя урокъёс но кружокъёс ватсаськозы.

«Нош кружокъёс туннэ но ӧжыт ӧвӧл, — шуэ Улын Балтач школалэн кивалтӥсез Людвиг Зидымаков. — Нылпиос пӧртэм ӧръёсъя устолыксэс волятыны быгато: фольклор, музей уж, кибашлыослы «Умелые руки» кружок, спортэз яратисьёслы – волейбол. Со сяна дышетсконнимы бордын крезьгуръя школа ужа».

Огъя вераса, школаын туннэ нылпиослы пӧртэм ласянь азинскыны луонлыкъёс кылдытэмын. Инлыкез воштӥськемен, та уж эшшо но паськыталоз. Улын Балтач дышетсконни шаермылэн палэназ усьтӥськем нырысетӥез удмурт гимназия луоз.