Башкортостанын «Тунсыко удмуртъёс» проект улонэ пыӵа

Со улсын башкир шаерысь гуртъёсын котыр ласянь быгатӥсь удмурт адямиосын пумиськылонъёс ортчылозы. Со ужрадъёсын Башириын улӥсьёс удмуртъёс сярысь умойгес тодыны быгатозы.

Озьы 23-тӥ толшоре Выль Татышлы ёросын архитектор Феликс Васиуллинэн пумиськон ортчоз. Со луоз «Тунсыко удмуртъёс» проект улсын нырысетӥез ӝыт.

Башкортостанысь историяя но лулчеберетъя удмурт центрлэн кивалтӥсез Ирина Самигулова вера: «Тунсыко удмуртъёс» проект сярысь малпанмы вазен кылдӥз ини, но со борды басьтӥськыны пӧртэм шугъяськонъёс вал – Башкортостанын удмуртъёс пӧртэм ёросъёсын уло. Милям туж потэ, та ужрадъёсамы тросгес егитъёс мед пыриськозы шуыса».