Башкириысь удмуртъёс анай кылын кылбуръёсъя элькун акциын вормизы

Акцие Башкириысь пӧртэм йӧслыко 4-85 аресъем адями пыриськыны  быгатӥз. Со понна ӵектослэн «ВКонтакте» огиназ анай кылын лыдӟем кылбурен видеоролик интыяно луиз. Толэзьлы быдэ люкам «лайкъёсъя» вормисьёсты бырйизы. Самигуловъёс ужрадэ тулыспалэ пыриськизы.

“Одно ик курон вал – крезьгуро калык инструментлэн шудэмез улсын аслад дӥськутэныд аслад кылыныд лыдӟоно вал. Ми лыдӟим «Вордскем кыл» кылбурез, кудзэ мон гожтӥ пиелы но аслым, ӵошен лыдӟим. Гуслиен шудӥз Александр Галиев, Выльгурт культура юртысь крезьгуръя кивалтӥсь. Ми тулыспал толэзьын со акциын нырысетӥ луим”, – вера ачиз вормись, Выль Татышлы гуртысь Историяя но лулчеберетъя удмурт центрлэн кивалтӥсез Ирина Самигулова.

Ирина Самигулова верамъя, вормисьёслэсь роликъёссэс «Культурный мир Башкортостана» порталын быдэс ар ӵоже возьматозы.

Ватсалом, «Мынам кылы – эшъяськон кыл» ужрад 2017-тӥ арын толсуре кутскиз. Самигуловъёс сяна, элькун акцие Башкириысь мукет ёросъёсын улӥсь удмуртъёс но пыриськизы.

Тодэ вайытом, шуркынмон пумын Ирина Самигуловалэн Анастасия нылыз «Мисс International – Ufa» элькун вожвылъяськонын «Мисс Этно» ним басьтӥз.

https://udmurt.media/udm/news/kultura-i-turizm/47079/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий