Бадӟымесь малпанъёссы удмурт театрын ужасьёслэн

    Бадӟымесь малпанъёссы удмурт театрын ужасьёслэн 1

    Крезьгуро жанр театрлы матын ке но, мюзиклэз удмурт сцена вылын нырысьсэ пукто. «Алые паруса» сяна, вуись сэзонэ йӧскалык театр учкисьёссэ мукет тунсыко ужъёсыныз шумпоттоз.

    «Та мюзикл бере мон басьтӥськисько удмурт пьеса борды , «Сарда» нимаське со, — вера йӧскалык театрысь валтӥсь режиссёр Алексей Ложкин. — Гожтӥз сое Анатолий Григорьев. Али ужаськомы ини оформление, крезьгур бордын. Озьы ик пичи сценамы усьтӥськемын. Отын возьматыны дасяськом Сергей Антоновлэсь «Пуны» пьесазэ».

    Пичи сцена вылын пуктэмын луоз Ашальчи Окилэн но Кузёбай Гердлэн юбилейёссылы сӥзем спектакль. Али сценариез бордын ужа Богдан Анфиногенов. Озьы ик вунэтэмын ӧвӧл нылппиос — соослы выжыкыл дасяло, нош классикаез яратӥсьёслы кузьым – со Фёдор Достоевскийлэн «Братья Карамазовы» романэзъя пуктэм спектакль. Ужалоз со бордын Мускоысь режиссёр.

    http://www.myudm.ru/