Бадӟым удмурт диктант гожтӥсьёслы сертификат сётъяны кутскозы

Кагаз вылын сертификат сётӥськоз диктантэз радио пыр гожтӥсьёслы. Но одно ик соос 80 но солэсь трос балл люкамын луыны кулэ. Сыӵеос ог 300 мурт. Сертификатъёс чакламын площадкаосын диктант гожтӥсьёслы но. Соослы Йӧскалык политикая министерство электрон сертификатъёс дасяз.

Вера йӧскалык политикая министерствоысь ӧнерчи Елизавета Ложкина: «80 балл люкам муртъёс кагаз вылын сертификат басьтозы, нош кинъёс мукет площадкаосын гожъязы (ёросъёсын, каръёсын) очной амалэн, шуом, соослы келямын луоз кураторъёслы электрон сертификат, кудзэ соос басьтыны быгатозы электрон вариантэн ик яке кагаз вылэ поттыса».

http://www.myudm.ru/