Азербайджанъёслэн «Достлуг» центрзы ёросъёсын кенешонъёс ортчытӥз

Та ёросъёсын делегаци азербайджанъёслэн «Достлуг» центрзылэн ёрос ёзэтъёссылэн ёзчиосынызы пумиськылӥз. Зульфигар Мирзаев люкаськемъёсты кылем арын ортчытэм ужъёссы сярысь вераз но туэ арлы чаклам ужрадъёсын тодматӥз.

Кезын ёросысь но Дэбесысь азербайджан диаспораос куспын котырес ӝӧк радъямын вал. Сӥземын со выжы калык кусыпъёсты юнматонлы но интывылъёсысь ёзэтъёслэсь ужзэс кужмоятон ужпумъёслы.

Тодэ вайытон: Азербайджанъёслэн «Достлуг» центрзы Удмуртиын 1998-тӥ арын кылдытэмын. Солэн азьветлӥсьёсыз шаерамы улӥсьёсты азербайджан лулчеберетэн тодматон вылысь пӧртэм ужрадъёс ортчытъяло. Озьы ик огазеяськон Байрам Гумбатов нимо арня нуналэ ужась школа кылдытӥз. Отчы ветлӥсь нылпиос асьсэ кылзэс, литературазэс, историзэс дышето. «Достлуг» центр нимысьтыз  саклык висъя ӟеч уж лэсьтонлы. Ялан юрттӥське арлыдоослы, ветеранъёлы, сӧсыръёслы.