Асангуртысь «Тугоко» но Оркагуртысь «Выль ӟардон» ансамбльёс — вормисьёс

Удмуртиез отын возьматӥзы Асангуртысь «Тугоко» но Оркагуртысь «Выль ӟардон» ансамбльёс. Фольклор номинациын асангуртъёс нырысетӥ луизы. Оркагуртъёс кыкетӥ инты басьтӥзы.

«Туж трос коллективъёс вал – 38, — вера «Выль ӟардон» ансамбльлэн кивалтӥсез Анна Александрова. — Милям номинациын 5 гинэ ансамбльёс пыриськизы. «Тугокоос» — туж мыло-кыдо коллектив. Соослэн воргоронъёссы но вань, арганчизы туж усто. Соос Бӧрысь гурез быдэстӥзы, нош ми — Пасха гуръёсты возьматӥм».

Казаньын басьтэм вормонзы оркагуртъёслы выль сюресъёс усьтӥз. Гужем ини соосты возьма Европа. Но вуоно арын океан сьӧры но потаны чаклало. Песянайёсмылэн тазалыксы гинэ мед луоз, — шуэ «Выль ӟардон» ансамбльлэн кивалтӥсез Анна Александрова.