«Артэ» нылпи фестивальын пуктӥзы 19 удмурт спектакль

Та фестивалез 3-тӥ арзэ радъя ни Брангуртысь «Кузьыликар» нылпи театрен кивалтӥсь Ольга Туктарева. Арысь аре тросгес но тросгес нылпи коллективъёс люкасько. Туэ 19-эз вуизы.

Кызьы вера Ольга Николаевна, фестивальын адске, кызьы арысь аре будо пиналъёс, кыӵе кужмо темаос борды басьтӥсько режиссёръёс.

Фестивальын Гран-при утӥз Брангуртысь «Кузьыликар» театр. 1-тӥ инты басьтӥзы Шаркан ёросысь Вортчаысь «Маскарчиос», 2-тӥ интыез куспазы люкизы Ижысь К. Герд гимназиысь коллектив но Ярысь «Люр-ляр» театр. 3-тӥ интые потӥзы Шаркан ёросысь Быгыысь «Иворчиос».