«Аныкай» проект ужзэ азьланьтэ но тодон-валан басьтыны ӧте

Ӵектос улсын дышетозы камераен ужаны, туспуктыны, видеомонтаж лэсьтыны но мерлыко вотэсъёсын ужаны

Ӵектосэ пыриськыны быгатэ удмурт кылэз тодӥсь котькудӥз анай

Ижкарын пумиськон радъяськоз 8-9-тӥ пӧсьтолэзе (июле) Эшъяськон юртын (Орджоникидзе урам, 33а)

Сак кариське — заявкаосты 25-тӥ инвожоозь (июнёзь) куто

Собере заявкаын сётэм электрон адресады гожтэт вуоз — отын пыр-поч программа но занятиослы кулэ луись арбериос пусъемын луозы.

Ӵектосэз радъя «Куара» огин Росси Азьмуртлэн Фондэзлэн юрттэмез улсын