Англи, француз но испан кылъёсын ӵош дышето удмуртсэ

Кружоке 5-тӥ но 6-тӥ классъёсын дышетскисьёс ветло. Вераны кулэ, пӧлазы ӟучъёс сяна поръёс, азербайджан пиналъёс, озьы ик Кореяысь пияшсы но вань.
 
«Ми кружокамы мастер-классъёс ортчытӥськом, — шуэ Ижкарысь 74 номеро школаысь дышетӥсь Алёна Кораблина. — Учкиськом удмурт кылын видеороликъёс, асьме киосынымы лэсьтӥськом мунёос, утён пусъёс. Дышетӥськом удмурт кылъёсты но, малы ке шуоно пиналъёслы со туж тунсыко потэ. Мукет кунгож сьӧр кылъёсын ӵош удмуртсэ тодэмзы соослы чик но уз люкеты».
 
Озьы ик школаын удмурт кылэз дышетонъя мукет группа но ужа. Отчы пиналъёс асьсэ мылкыд каремзыя ветло. 10 нылпи удмурт кылэз нимысьтыз саклыкен дышетэ.