Анай сярысь удмурт кылын вераськыны ӧтё Ижкарысь «Кубо» клубе 12-тӥ шуркынмонэ

Анай сярысь удмурт кылын вераськыны ӧтё ижкарысь «кубо» клубе 12-тӥ шуркынмонэ 1 Иворъёс
12-тӥ шуркынмонэ 18 часын Ижкарын Йӧскалык лыдӟетъюртын (Удмурт урам, 264) удмурт кылын вераськонъя «Кубо» клублэн пумиськонэз анайёслы сӥземын луоз. Со сярысь лыдӟетъюртлэн пресс-службаез ивортэ.

Клублэн нимысьтыз ӧтем куноез луоз Удмуртиысь тодмо туспуктӥсь Эдуард Иванов. Со вералоз, кызьы та удысэ вуиз, нылъёслэсь но нылкышноослэсь йӧскалык дэремъёсын туспуктэмъёссэ возьматоз, ужан амалъёссэ шараялоз.

Озьы ик анай сярысь визькылъёс, кылбуръёс, кырӟанъёс чузъяськозы.

Ужрадэ вань мылкыд карисьёс лыктыны быгато, пыронэз эркын.

24-тӥ шуркынмонэ Россиын Анайлэсь нуналзэ пусъёзы.

Тодэ вайытом, «Кубо» клубын берлоез пумиськон «Ӟечбур, Удмуртия!» тема улсын ортчиз. Удмурт кылын вераськон клуб Глазкарын но усьтӥзы.

https://udmurt.media/udm/news/obshchestvo/69721/

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов