Анай кылъёс сярысь катӵектос

Со катӵектосъя, анай кыл урокъёсты дышетоно предметъёс радысь куштозы но электив (факультатив) радэ выжтозы. Со сярысь аслаз вотэсбамаз гожтэ МУШ ужан огинлэн ёзчиез, финн-угор егитъёслэн ассоциацизылэн вице-президентэз Артём Малых.

Артём Малыхлэн верамезъя,  катӵектосэз кутӥзы ке,  удмурт кылэз дышетон интые гурт школаосын быръёно луоз мае дышетоно: удмуртэз яке, шуом, риторикаез я ужбергатонэз.

Катӵектосэз но солы валэктон кагаззэ татысь пыр-почгес учкыны луоз – https://yadi.sk/d/–vS26Uz3VKgCT

«Со выль инициативалы пумит Россиысь калыкъёс пӧлын группа кылдӥз. Та группа В. Путинлы вазиськон дасяз. Сое татысь лыдӟемды луоз – https://bit.ly/2EXNCsH. Мылкыдчиос президентлэсь ӵектэм воштӥськонъёссэ палэнтыны куро. Воштӥськонъёсыз юнматӥзы ке, анай кылъёсты дышетон система школаосын уз ни луы, нош удмурт кыллэн инъетэз эшшо золгес лябомоз на», – гожтэ вотэсбамаз Артём Малых.

Артём Малых куре удмурт азьветлӥсьёсты мылкыдчиослэн инициативаенызы огазеяськыны, катӵектослы пумит султыны, тодэт ыстыны но петицизылы гожтӥськыны курыса келяны.

«Петицилы электрон амалэн гожтӥськон сяна кагаз вылысь адямиослэсь кинюртэмъёссэс октон ласянь юрттыны куриськом», –  гожтэ со.

https://vk.com/id898385

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий