Анай кылъя устозэ дышетӥсез быръёзы Удмуртиын

«Отчы пыриськозы куать устоосыз дышетӥсьёс, кудъёсыз заочной этапын люказы тужгес но трос балл, ньыль конкурсной заданиосты лыдэ басьтыса», — вера дышетонэз азинтонъя институтысь Тьютор практикаосты азинтонъя центрлэн кивалтӥсез Андрей Клементьев.

Финалистъёс туннэ нуналлы тодмо ини — со Дэри ёросысь Юсь школаысь, Якшур-Бӧдья ёросысь Чернушка но Мукши школаосысь, Яр ёросысь Бадӟымгурт школаысь, Кизнер ёросысь Вуж Бӧдья школаысь но Ижкарысь 17 номеро школаысь дышетӥсьёс.

«Финалэ – ньылез удмурт кылъя но литературая дышетӥсьёс, огез – ӟуч кылъя но литературая дышетӥсь но куатетӥез, кудӥзлэн тужгес но трос баллэз луиз, со покчи классъёсын дышетэ, удмурт кылэз нуэ», — шуэ  Андрей Клементьев.

Вожвылъяськонын вормисьёсты дипломъёсын но дуно кузьымъёсын данъялозы.

https://udmurt.media/udm/news/obrazovanie-i-nauka/69272/