Анай кыл сярысь

Кенешонэ пыриськизы йӧскалык политикая но дышетонъя но наукая министерствоосысь кивалтӥсьёс, дышетӥсьёс.

Дышетон удысын та ласянь али лэчыт югдур. Мар юрттоз сое тупатыны? Кыӵе воштонъёс, ватсанъёс пыртоно катъёсы? Кыӵе ӵектонъёсын вазиськоно кат кылдытӥсьёслы? Та юанъёсъя чузъяськем малпанъёс, ӵектонъёс азьланяз шараямын луозы огъя паськытатэм коллегиын. Со толсуре ортчоз.

«Вераськон мынэ этнокультурной образование сярысь, — шуэ йӧскалык политикая министр Лариса Буранова. — Малы ке шуоно, али элькунысьтымы социология возьматэ — егитъёс туж ӧжыт тодо, кыӵе калыкъёс уло та дунне вылын, Удмурт элькунын кыӵе калыкъёс уло, кыӵе соослэн сямъёссы».

Йӧскалык дышетонэз радъясь кивалтӥсьёсты, анай кылъя дышетӥсьёсты тужгес сюлмаськтэ али книгаосын герӟаськем юан. Кылем дышетскон аре ини, выль стандартъёслэн вань куронъёссыя дасям книгаос, али но нимысьтыз комиссиен юнматымтэ, соосты уже кутыны лэзись Росси перечене пыртымтэ. Соин валче, анай кыллы дышетӥсьёс, школа кивалтӥсьёс, дышетон удыслэсь ужзэ радъясьёс трос пӧртэм шугъяськонъёсын пумисько.

http://www.myudm.ru/