Алнашысь кибашлы вормисьёс пӧлын

Туэ фестивале вуылӥзы Эграысь, Якшур-Бӧдьяысь, Сьӧлтаысь но Алнашысь ёрос центръёс. Алнашъёслэн удмурт дэремен мунёоссы вылӥ дунъет басьтӥзы.

Алнашысь кибашлыез Надежда Рябчиковаез мунё анай шуыны луоз. Солэн ужъёсыз сокем мусоесь, зэмосэсь — сое ик пусйизы, луоз, Марий Элын калык дӥськутлы сӥзем фестивальын дунъясьёс. 10 ар ӵоже ини Надежда рос-прос дышетэ вашкала мунё лэсьтон амалэз но чакла-эскере удмурт дӥськут вуронэз.

«Мон ужъёсме вашкала кадь ик карыны турттӥсько. Мунё дэремъёслы басмазэ но, чеберъян синьысъёссэ но чакласькыса бырйисько,  — шуэ Надежда Рябчикова».

Кибашлылэн 3 коллекциез. Со возьматэ шулдыръяськон, ужан но огшоры гуртын ветлон дӥськутэн мунёосты. Соос пӧртэм амалъёсын быдэстэмын — мучололэсь, пулэсь. Вань куинь куко нимоосыз но.

Мунёос вылысь сяна, фестивальын кибашлы вылысь но дӥсез дунъязы. Алнашъёслэн ӵапак интыяз луиз выль дэремзы. Ёросысьтызы гуртысь гуртэ экспедициен потакузы ӧнерчиос быдэсак чильпам айшет шедьтӥзы. Чильтэр пужы соку ик выль костюмазы пуксиз.

http://www.myudm.ru/