Алнаш ёрослэн литературая нуналъёсыз йылпумъясько

    Алнаш ёрослэн литературая нуналъёсыз йылпумъясько 1

    Муницпал кылдытэтъёслэсь литетатурая нуналъёссэс ортчытонъя ӵектосэз дасяз Удмурт Элькунысь йӧскалык библиотека культурая но туризмъя министерстволэн юрттэмезъя.

    Проектлэн ужпумез шаерысьтымы литератураез паськытгес тодмо карон, лыдӟиськонлэсь данзэ ӝутон. Туэ со улсын, кылсярысь, Ходыревлэн лыдӟонъёсыз радъяськизы, Ашальчи Оки нимо йӧскалык но ёрос премиосын пусъён ужрад, выль потэм книгаосын тодматсконъёс ортчизы.

    Алнашын ортчем литературая нуналъёсыз йылпумъян ужрадэ вуозы Элькунысь йӧскалык библиотекалэн кивалтӥсез Т. В. Тенсина, лулчеберетъя но туризмъя министр В. М. Соловьёв, Алнаш ёрослэн тӧроез А. В. Семёнов, Можга ёрослэн тӧроез А. Н. Вершинин, лыдӟиськонниосын ужасьёс, литература удысын тыршисьёс, школаын дышетскисьёс, студентъёс, журналистъёс.