Александр Бречаловлэн инаугурациез 18-тӥ куарусёнэ ортчоз

Тодады вайытом, Александр Бречалов, 10-тӥ куарусёнэ ортчем быръёнъёсын 78 %-лэсь трос куараос люкаса, вормиз.

Инаугурацие Росси президентлэн Приволжск федереал округын оскем муртэз Михаил Бабич вуоз. Озьы ик инаугурациын луозы Кун Кенешлэн куатетӥ ӧтчамаз выль быръем депутатъёс, кивалтэтлэн ёзчиосыз, федерал ёзэсъёслэн Удмуртиысь ёзэтъёссылэн но ужъюртъёссылэн кивалтӥсьёссы, муниципалитетъёслэн тӧрооссы, элькунлэн дано кунмуртъёсыз, улосвылысь йӧскалык но вӧсьлык огазеяськонъёслэн кивалтӥсьёссы.

Ужрадлэсь меӵак эфирын мынэмзэ учкыны луоз «Мынам Удмуртие» телерадиокомпанилэн сайтаз 11 час но 30 минутэ. «Мынам Удмуртие» телеканаллэн эфираз 19 чысын но «Удмуртия» телеканалын — 21 часын.