Александр Бречалов: удмурт кылын передачаос элькун телерадиокомпаниын кулэстэмын уз луэ
Берло толэзьёсы трос вераськонъёс мынӥзы, тырмыт коньдон висъямтэен валче телерадиокомпаниын программаослэсь лыдзэс чутрак кулэстозы шуыса. Со кылъёсты зэматыса кадь телеэфирын азьвыл гожтэм передачаосты ялан бергато.
Но телерадиокомпанилэн кивалтӥсьёсыз верамъя, ваньмыз умой, вуж передачаосты эфире лэзён сярысь мон номыр уг тодӥськы, шуиз улосвыллэн тӧроез. Озьы ик со ивортӥз, выль ужъёсты кылдытыны кулэ коньдон висъямын шуыса.
«Ужпум ӧвӧл коньдонэз шыръян вылысь мае ке быдтон бордын, ужпум ӟечгес (передачаос — ред.) лэсьтон бордын. Со материал, со ивортодэт егитъёслы мед кельшоз, егитъёслы гинэ ӧвӧл. Со сярысь гинэ вераськон мынэ», — шуиз Александр Бречалов.
Озьы ик со пусйиз, удмурт кылын передачаосты соос мед луозы шуыса гинэ лэсьтыны уг яра, рос-прос малпаськоно соослэн пуштроссы сярысь. Кыӵе ке передачаез учкисьёс ӧжыт ке, сое мукетыныз воштыны кулэ.
«Туж потэ вал паськытатыны вещаниез. <…> Милям ӧвӧл сыӵе ужпуммы, кинэ ке быжтӥз кутыны. Ужпум сылэ соин гинэ, калык мед шумпотыса учкоз анай кылыныз потэм передачаосты» — вераз Татьяна Ишматова, «Удмурт Кенеш» огазеяськонлэн тӧроез.
Удмурт вещение пумысен Александр Бречалов юрттӥсьёссэ нимысьтыз кенешон люканы куриз.