Александр Бречалов Россиысь дышетонъя министрен пумиськылӥз

Озьы ик эскеремын мукет ужпумъёс — усточи нылпиослы, анай-атайтэк кылем пиналъёслы юрттэт сётон, дышетисьёслы кулэяськон, выль школаос ӝутон.

Тодады вайытом, Удмуртия Росси олимпиадалэн туэлы йылпумъянъёсъя устоосыз пӧлы пыре: быдэс кунъя 7-тӥ интыын но Приволжск федерал округъя — 2-тӥын. Со сяна 2017-тӥ арын 27 %-лы йылӥз огъя кун экзаменъёсын 100 балл люкамъёслэн лыдзы.

Элькунын нылпиослы ватсаса тодон-валан сётӥсь 180-лэсь трос огазеяськонъёс ужало. Отын 150 сюрс пала пиналъёс дышетско.

Озьы ик туэ шаерамы ужаны кутскоз Россиысь калыкез дышетонъя министерстволэн проектэз улсын «Калашников» концернлэн юрттэменыз «Кванториум» огъет. Со сярысь вераськон мынӥз вал Владимир Путин Ижкарын дыръя. Озьы ик концерн юрттэмен робототехникая классъёс усьтӥськозы Балезино но Грак ёросъёсын.

http://www.myudm.ru/