Александр Бречалов пумиськылӥз «Шунды» огазеяськонлэн азьветлӥсьёсыныз

Ижысь «Лифт» юртэ люкаськизы «Шунды» огазеяськонысь егитъёс: Ижын дышетскисьёсыз но, ёросъёсын улӥсьёсыз но. Нырысь ик, «Шунды» огазеяськонлэн тӧроез Алина Чернова мадиз огазеяськон, солэн валтӥсь проектъсыз сярысь, Правленилэн ёзчиез Мария Емельянова пыр-почгес вераз «Шундыкар» лагерь сярысь.

Удмуртилэн Тӧроез юаз, кыӵе уксёен ортчытӥське та лагерь. Кызьы верамын вал, троссэ висъя Йӧскалык политикая министерство но Мугорез кыдатонъя, спортъя но егитъёсын ужан политикая министерство.

— «Шундыкар» лагерь – со туж умой, но таӵе проектъёслы уксё мукет сямен шедьтоно.  Кылсярысь, крауфандинг амалэн, яке проектъёсты пӧртэм фондъёсы  ысъяса.  Кулэ потыны шуныт коркаысь, соку эшшо но паськытгес дунне усьтӥськоз, —  пусйиз Александр Бречалов.

Со сяна, Александр Владимирович шуиз, презентация ӟечгес лэсьтоно, мерлыко бамъёсын огазеяськонлы ассэ яркытгес возьматоно шуыса.

http://udmdunne.ru/2017/10/aleksandr-brechalov-pumiskylӥz-shundy-ogazeyaskonlehn-azvetlӥsjosynyz