«Акашка» фильм возьматозы Ижкарын 29-тӥ оштолэзе

«Акашка» удмуртъёс понна тулыс-гужем дырпусысь огез тужгес валтӥсез йылол луэ. Сое Быдӟымнунал бере ӵуказеяз ортчыто.

“Та фильмез РДНТ-лэн (элькунысь Калык творчествоя юртлэн – ред.) экспедиционной группаез лэсьтӥз. Милям вань экспедиционной группамы, кудӥз ке ветлэ, пота экспедициосы но фильмъёс лэсьтылэ, йылолъёсты снимать каре. <…> Фильм лэсьтэмын кылем арын ӵапак «Акашка» ортчытон нуналэ. Быдэсак со процессэз, кызьы со соослэн ортче возьматэ”, – вераз  Вероника Фёдорова, Калык творчествоя юртысь ӧнерчи.

Фильмез Кияса ёросысь Карамас-Пельга гуртын лэсьтӥзы. Отчы гуртысь калык пыриськиз.

Туэ «Акашка» 29-тӥ оштолэзьлы тупа. Ӵапак со нуналэ ик Калык творчествоя юртын 18 часын фильмез возьматозы. Фильм бӧрсьы валэктонъёссэ вералоз Удмурт кун университетысь удмурт кылосбуръя, финно-угроведениея но журналистикая институтысь удмурт литературая но Россиысь калыкъёслэн литератураоссыя кафедраысь доцент, кылосбур тодосъя кандидат Галина Глухова.

Фильм удмурт кылын но ӟуч субтитръёсын мыноз.

https://udmurt.media/udm/news/kultura-i-turizm/55084/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий