АФУН люкаськылӥз Ижкаре

Карелиысь, Комиысь, Марий Элысь, Мордовиысь, Ненец автоном округысь, Пермь шаерысь но Удмуртиысь ёзчиосыз, озьы ик элькунысьтымы мер огазеяськонъёслэн ёзчиоссы, министерствоослэн но удысэтъёслэн ыстэм муртъёссы Удмуртиын улӥсь финн-угор калыкъёслэсь аспӧртэм лулчеберетсэс утён но азинтон ужпумъёсты ӝутӥзы.

«Удмурт Элькун, удмурт калык финн-угор дуннелы тужгес тунсыко потэ, малы ке шуоно удмуртъёс котьку туж мыло-кыдоесь вал, – пусйиз Пётр Тултаев. -Ӵапак удмуртъёс нырысетӥосыз финн-угор калыкъёс пӧлысь 100 ар талэсь азьло ӧтчамзэс люказы. Со сяна, туннэ Удмуртиын 100-лэсь трос калыкъёс уло, 15-ез со пӧлысь – финн-угор выжыысь. Соин ик Ассоциацилэн ёзчиосызлы тунсыко элькунлэн пӧртэм калыкъёслэсь, нырысь ик – удмуртъёслэсь, кылзэс, лулчеберетсэс, йылолъёссэс утён гинэ ӧвӧл, азинтон ласянь но».

Мерлыко огазеяськонъёс но кивалтэт кусыпъёсты юнматон, валче ужан амалъёсты кужмоятон, анай кылэз дышетон ӧрын компьютер амалъёсты уже кутон, финн-угор театръёслэсь шугъяськытӥсь ужпумъёссэс ӵошен сэрттон – та но мукет юанъес эскеремын вал кенешонын. Докладъёс лэсьтӥзы элькун министръёс.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий