Африкан студентъёс Калыкъёслэн Эшъяськон юртазы пумиськылӥзы

Нырысетӥ пумиськоназы егитъёс асьсэ кунъёссы сярысь веразы.  Озьы тунсыко ивортонъёс чузъяськизы Гана, Гамбия но Намибия кунъёс сярысь. Студентъёс дӥськутсы вылысь пужыос, калыксылэн аспӧртэмлыксы  сярысь мадизы.

Вераны кулэ, нырысетӥ пумиськонэ элькунысьтымы 3 вылӥ дышетсконниосысь студентъёс вуизы – со УдГУ, ИжГТУ но ИГМА.

Африкан студентъёс куспазы англи кылын вераськизы. Ог-огзэс Удмуртие дышетскыны лыктыны мугъёсынызы тодматӥзы, улон-вылоназы пумиськем шугъяськонъёс  сярысь веразы. Озьы ик чузъяськиз валэктон таӵе юанлы – малы ас шаерзылэсь палэнэ вуыса валче улыны кулэ?

Егит студентъёслы вазиськизы Удмуртиын кема улӥсь африканецъёс. Соос мыло-кыдо пырисько шаермылэн мерлыко улоназ.

«Егитъёс котькуд толэзе пумиськылыны малпало. Ми соослы «Вместе» ассоциациен кусыпъёс тупатыны ӵектим, озьы ик дышетсконын яке мукет учыръёсын кылдэм юанъёсъя Эшъяськон юртамы вазиськыны. Пумиськонын валамон луиз, соослэн шугъяськонъёссы вань, нырысь ик, мӧзмон, собере ӟуч кылэз дышетон но ужкагазъёсын вырон», – вераз Калыкъёслэн Эшъяськон юртысьтызы йӧскалык лулчеберетъя егитъёслэн ассоциациенызы кивалтӥсь Мария Царёва.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий