«Адӟем карымон адями» вожвылъяськон ялэмын

Лыдэ басьтӥсько вормонъёссы, ӟеч ужъёссы, кичӧлтонъёссы. Троссэ соосты элькунамы уг тодо, но ас палъёсазы – тодмо адямиос луо. Вожвылъяськонлэн одӥгез мугез – со нимъёсын тодматыны шаерамы улӥсьёсты.

Вераны кулэ, нуналлы быдэ нимъёс трос вуо. Со нимъёсты интыяло мерлыко вотэсысь юри кылдытэм «Адӟем карымон адями» группае. Котькуд номинациын, лайкъёсты, ӵектонъёсты лыдэ басьтыса, 3 муртэ быръёзы. Соос куспын 11-тӥ тулыспалысен выльысь интернет куара сётон мыноз.

Котькуд номинациын 2 адӟем карымон адямиосты быръё – воргоронэз но нылкышноез. Нош  номинациос таӵеесь:

1. Гурт удыс;
2. Наука, дышетон, тазалыкез утён удыс;
3. Политика, кивалтон удыс;
4. Культура, искусство удыс;
5. Ужбергатон удыс.

«Малпаським, учким но али эшшо 6-тӥзэ номинаци пыртыны малпам, – шуэ «Адӟем карымон» вожвылъяськонэз одӥгез радъясь Светлана Белых. – Ортчем ар волонтёрлэн арыз вал, со милям лыдэ басьтытэк кылиз. Нош ас мылкыд каремзыя, дунтэк уж лэсьтӥсь адямиос пӧламы ӧжыт ӧвӧл. Малпасько, дэмланъёс но та пумысен вуозы. Кылсярысь, мон адӟисько соос пӧлын «Солнечный мир» огазеяськонлэсь одӥгзэ азьветлӥсьсэ Людмила Юфереваез».

Куара сётэм сярысь ивортыны луэ «Мынам Удмуртие» радиое пӧртэм амалэн:

– СМС номер 5522. Кутсконаз одно ик «Моя» кылэз пусъёно, собере – тӥляд малпамдыя тужгес адӟем карымон нылкышнолэсь но воргоронлэсь нимзэ, кыӵе удысын адӟем карымон луэмзэ;
– В контакте «Адӟем карымон адями» группае:
https://vk.com/event161299830
– ISQ 364 833 833; т. 600-551;
– почта пыр гожтэтэн. Адрес: Ижкар, Песочной ульча, 9-тӥ юрт.

Ӵектонъёсты куто 10-тӥ тулыспалозь. 11-тӥ тулыспалысен «Адӟем карымон адями» группаын номинациосъя куара сётон кутскоз.

Вормисьёсты шараялозы но пусъёзы 21-тӥ тулыспалэ Ижкарысь одӥгаз кафеын.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий