Дом Дружбы народов

    90 пала нылпиос «Мудорвай» вожвылъяськонлэн гала-концертаз пыриськозы Татарстанын

    90 пала нылпиос «мудорвай» вожвылъяськонлэн гала-концертаз пыриськозы татарстанын 1

    Вожвылъяськонлэн очной люкетъёсыз ньыль ёросъёсын ортчизы: Кукмор, Балтач, Менделеевск но Бавлы.

    Покчи классъёсын дышетскись пиналъёс ньыль номинациосын быгатонлыкъёссэс возьматӥзы:

    — удмурт калык эктон;

    — удмурт кылын кырӟан. Коллектив:

    — удмурт кылын кырӟан. Нимаз быдэстӥсьёс;

    — удмурт кылын кылбур лыдӟон.

    Интыосын вормисьёслэн гала-концертсы 23-тӥ толсуре 11 часын Казаньын Калыкъёслэн эшъяськон юртазы ортчоз, пыронэз эркын.

    «Мудорвай» вожвылъяськонлы кичӧлтон сётӥз Татарстанысь удмуртъёслэн йӧскалык лулчеберетъя автономизы. Конкурс элькунын улӥсь калыкъёслэсь кусыпъёссэс юнматон но нылпи садэ ветлӥсь но покчи классъёсын дышетскись пиналъёсты удмурт калыклэн лулчеберетаз кыскон вылысь.

    Тодэ вайытом, «Мудорвай» конкурс Татарстанын 2016-тӥ арысен ортчытъяське.

    https://udmurt.media/udm/news/kultura-i-turizm/47481/