90 арес тырме Глафира Никольскаялы

Глафира Никольская дышетонъя программаослэн но книгаослэн, удмурт кылъя учебникъёслэн, монографиослэн авторзы. Солэн тыршемез улсын 200 пала наука ужъёс кылдӥзы. Юбилеезлы дано удмурт тодочи эшшо одӥг книгазэ йылаз-пумаз вуттӥз.

“Али творческой улонме йылпумъяны вырисько. “Культура русской речи” книга гожтӥ. Ижын со потоз. Ӟуч кыллы дышетонын асьме будӥсь нылпиослэсь кылзэс тупатыны, узырмытыны, чебер вераськыны мед дышозы шуыса – солы сӥземын книгае. Тырши та юбилеелы сое йылпумъяны”, – шуэ Глафира Никольская.

Ватсан: Глафира Николаевна вордӥськиз 20-тӥ инвожое 1929-тӥ арын Шаркан ёросысь Шляпино гуртын. Йылпумъяз Якшур-Бӧдьяысь училищеез, собере – Удмурт институтысь филологи факультетэз. Аспирантураын дышетскыса, 1958-тӥ арын кандидат диссертацизэ утиз. Сое ужаны ӧтизы Москваысь йӧскалык школаосъя научно-исследовательской институтэ.

 

Контентмейкер, мемолог и журналист

Дом Дружбы народов
Добавить комментарий