Ляконо сое пластик вылэ но юнматоно боды борды. Штендерлэн быдӟалаез 300х450 миллиметр луыны кулэ. Таӵе пулэз быгатӥськоды асьтэос но лэсьтыны, печатной салонэ но вазиськыны.
Шаерамы «Вунонтэм полк» акция 5-тӥ арзэ ортчоз ни. Ижын калык люкаськоз 9 час 45 минутысен 2-тӥ кар больница но Удмуртиысь Данъян пул вискын. Акциез радъясьёс туэ ог 40 сюрс пала адямиез возьмало, кылем арын, кылсярысь, Иж кузя ортчиз 30 сюрс адями, нош ёрос центръёсын но гуртъёсын — 50 сюрслэсь ятыр мурт.
