88 процентлэсь уноез Удмуртиын улӥсьёс элькунысь калыкъёслэн кусыпъёссылы умой дунъет сёто

Солэн кылъёсызъя 88 процентлэсь уноез Удмуртиын улӥсьёс элькунысь калыкъёслэн кусыпъёссылы умой дунъет сёто. Ортчытэм юалляськонлы йылпумъянъёс возьмато, Удмуртиын пӧртэм выжыысь калыкъёслэн кусыпъёссы умоесь шуыса: кызьы нимаз адямиос куспын, озьы ик группаосын, пусйиз министр. 91,8 процентэз юам муртъёс веразы, мукет калыкъёсты соос адӟонтэм уг каро. 90,9 процентэзлэн юалляськонэ пыриськемъёслэн кылъёссыя, асьсэ йӧслыксы сэрен кӧтӝож яке ултӥян мылкыдъёсты ноку но ӧз шӧдылэ.

2017-тӥ арын кун йӧскалык политикаез быдэстон ласянь Удмуртия Россиысь 25 устоосыз улосвылъёс пӧлы шедиз. Со Росси йӧскалыкез огазеянэз юнматон но калык лулчеберетъёсты азинтон понна ужрадъёсты улонэ пыӵатыны федерал коньдэтысь субсидиос висъян сярысь Йӧскалык ужпумъёсъя федерал агентствоен тупанкыл юнматыны луонлык сётӥз, вераз кивалтӥсь.

Озьы ик Лариса Буранова 2018-тӥ арын министерство азьын сылӥсь ужпумъёсты пусйиз.

«Элькун но муниципал тӧрлык ёзэсъёс калыкъёслэн выль огазеяськонъёссы пумысен нимаз политика нуыны кулэ. Мигрантъёслэн огинлыкъёссылэсь аспӧртэмлыксэс лыдэ басьтоно <…> Со дыре ик сьӧрлось лыктэмъёслэсь но татын улӥсьёслэсь «лулчеберетъя инвисъёссэс» паськытатоно (дышетон, иворъёсты вӧлмытӥсь ёзэсъёс, лулчеберетъя ужрадъёс, йӧскалык огазеяськонъёс пыр), кулэ этнографической «ликбез», ог огзылэн сям-йылолъёсынызы тодматон, кулэ огазеясь лулчеберетъя ужрадъёс но праздникъёс», – Лариса Буранова вераз.

Со нимысьтыз тау кариз муниципал кылдытэтъёслы, кытын кылем арын йӧскалык элькун праздникъёс ортчизы. Котькудаз 1 сюрсысен 9 сюрсозь адями пыриськиз.

Коллегилэн кенешоназ ик Удмуртиысь Калыкъёслэн эшъяськон юртсылэн кивалтӥсез Татьяна Боталова ужъюртлэн ужамезлы йылпумъянъёс лэсьтӥз, Ижкарысь 11 номеро школалэн кивалтӥсез Наталья Матвеева пӧртэм лулчеберетъёсты дышетон сярысь вераськиз.

Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/obshchestvo/33379/

Поделитесь с друзьями:

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий