700 адямиос биниськизы «вуко берганэ» «Гуртфестын»

Котьку сямен кырӟанъёсын-эктонъёсын пумитаз «Лудорвай» музей кунооссэ.

Выжы калык кырӟан гуръёслы сӥзем фестиваль котьку сямен «вуко берган» бордысен кутскиз. Куинетӥ арзэ ни вань люкаськем калык, коллективъёс бадӟым котыртэме биниськизы. Туэ со ог 700 адямиез огазеяз.

Учкисьёсын-куноосын ӵош таяз радэ «Гуртфестэ»  трос коллективъёс вуизы. Ужрад соослэсь быгатонлыкъёссэс возьматон эшшо одӥг тунсыко площадка луэ.

Сцена вылын 20 пала коллективъёс асьсэлэсь быгатонлыкъёссэс возьматӥзы. Та радэ шаерысьтымы сяна, куноос Ханты-Мансийскысь, Эстониысь но Финляндиысь вуизы.

«Гуртфестын» быдэс нунал ӵоже пӧртэм гуръёс чузъяськизы. Лулчеберетэз пӧртэм ӧръёсын адӟыны луиз — кибашлыослэн ужъёсазы, сиён-юонын, калык дӥсьын.

http://www.myudm.ru/