60 пиналъёс Кузебай Герд нимо гимназие нырысетӥ классэ лыктӥзы

Кузебай Герд нимо гимназие нырысетӥ классэ лыктыны мылкыд карисьёс трос вал, шуэ дышетсконнилэн кивалтӥсез Анжелика Михеева. Но инты тырмымтэен, ваньзэсты кутыны уг луы, соин ик нырысетӥ классъёс кык гинэ луозы.

Вераны кулэ, нырысетӥ классэ лыктэм пиналъёс пӧлысь тросэз гимназилэн ик нылпи садъёсаз ветлӥзы.

«Тросэз нылпиос Коммунаров ульчаысь но, Петров ульчаысь но садик бере лыктӥзы гимназие. Со туж шумпотымон, малы ке шуоно преемственность шуиськом. Куке асьмеос асьмелы будэтӥськом дышетскисьёсты, со, мыным потэ, кыӵе ке но аспӧртэмлыкез дышетон ужъюртлэн», — пусйиз Анжелика Михеева.

Нырысетӥ классэ Кузебай Герд нимо гимназие лыктэмъёс дышетскон ӧрлы ӝог дышыны кулэ. Со понна вань луонлыкъёс кылдытэмын, шуэ Анжелика Михеева, ужало психологъёс, вань 20-лэсьтрос кружокъёс но секциос. Со сяна, таяз арын хор кылдытыны, эшшо тросгес компьютеръёс басьтыны малпало.

«Озьы ик туэ ужпум пуктэмын тодметъёсъя тросгес олимпиадаосы ветлыны но отын тросгес вормонъёс басьтыны. Со сяна, одно ик кулэ пӧртэм грантъёсы пыриськыны. Али сыӵе дыр, вераськиськомы инвестициос сярысь. Куке грант басьтӥськод, со луэ инвестиция. Палэнысь уксё лыктэ ке, соин луэ материально-технической базаез но тупатыны, кадръёсты но золгес будэтыны. Азьланезлы сыӵе пуктӥськомы ужпумъёс», — вераз гимназилэн кивалтӥсез.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий