50 нылпи пичи чеберай но батыр луиз

Ужрадэ пыриськизы нылпи садъёсысь удмурт кылэз дышетӥсь визьпогъёс. Элькун сценае сюремзылэсь азьло соос усто луэмзэс возьматӥзы ёросъёсазы но городъёсазы, со понна 27 площадка ужаз. Отын быгатонлыксэс возьматӥзы 400 пала нылпиос. Ижкаре вуизы ёросъёсысь но Глазов, Вотка, Можга, Ижевск городъёсысь 50 устоосыз. Ваньзы соос фестивальлэн вормисьёсыз ини. Эшъяськон юртын пичиос устооссэ номеръёссэс возьматӥзы: кырӟазы, кылбур веразы — ваньзэ удмурт сямен.

— Фестиваль нылпиослэсь но анай-атайёслэсь удмурт кылэз дышетон мылкыдзэс бурдъятэ. Ужрадлы нунал но туж тупамон сюриз — со удмурт кыллэсь нуналзэ азинтон выллем луиз, — вераз «Удмурт нылкышно кенешлэн» кивалтӥсез Надежда Степанова.