47 адями бигер кылъя но литературая элькун олимпиада гожтӥз

Олимпиада 1996-тӥ арысен радъяське. Казаньысь ыстэм ужъёсты быдэстӥзы Балезино, Юкаменск ёросъёсысь, озьы ик Можга но Иж каръёсысь 8-тӥ, 9-тӥ, 10-тӥ но 11-тӥ классъёсын дышетскись пиналъёс.

Олимпиадаез гожто анай кылэз урокъёсын дышетэмъёс, озьы ик факультатив чотын дышетӥсь пиналъёс. Но арысь аре йылпумъянъёс возьмато – ӵемысь вылӥ баллъёс бигер кылэз школаын дышетэм пиналъёс уг басьто,  ӟеч гожто гуртазы анай-атайёсыны вераськись нылпиос, — шуо бигер кылъя дышетӥсьёс.

Бигер кылъя но литературая элькун олимпиадаын вормемъёс Казаньын улосвылкуспо олимпиадае пыриськозы. Со 3-тӥ – 6-тӥ тулыспалэ ортчоз. Удмуртиысь школьникъёс отын котькуд ар асьсэды умой возьмато.