Шарканысь — Великий Устюге

18-тӥ шуркынмонэ Великий Устюгысь Дед Мороз доры выжыкыл геройёс люкаськозы. Ӧтемъёс пӧлын Шарканысь Тол Бабай но. Туэ Великий Устюгысь эшезлэн усадьбаяз бадӟымесь выльдӥськонъёс, пе. Отын кылдэм часъёсын комната. Соин ик Тол Бабай нимысьтыз кузьым дасям – удмурт пужыен час.

«Табере Дед Морозлэн усадьбаяз удмурт дырез возьматӥсь час луоз, — шуэ Тол Бабай. — Россиын туж трос каръёс, улосвылъёс. Отын улӥсьёс пӧортэм дыръя уло. Дед Морозлэн выль комнатаяз интыяськозы кузьымъёс-часъёс».

Туэ Тол Бабайлэн но усадьбаяз шӧдскымон выльдӥськонъёс — усьтӥськиз улэп вуэн ошмес, озьы ик кылдӥз муш бакча. Соин валче Тол Бабай доры 2 выжыкыл геройёс улыны лыктӥзы. Али соос калык пӧлы уг потало на. Но тодмо ини, со лудмурт но вуныл. Лудмурт муш бакчаез уте, нош вуныл — ошмесэз. Нырысьсэ соосты 9-тӥ толсуре адӟыны луоз. Соку Тол Бабай дорын выжыкыл геройёслэн фестивальзы усьтӥськоз. Отчы ачиз Дед Мороз но лыктоз.

http://www.myudm.ru/

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий