300-лэсь ятыр адями Дэбес ёросын арня ӵоже удмурт йӧскалык дӥсен ветлӥз

“Акцилы ёросысь 30 ужъюртъёс дурбасьтӥзы. 300-лэсь ятыр адями пыриськиз, тужгес арлыдоезлы 86 арес”, –  ивортэ Дэбесысь лулчеберетъя но туризмъя «Сибыр тракт» центрлэн пресс-службаез.

Кызьы шуэмын ивортонын, ужрадэ пересез но, пиналэз но пыриськиз. Йӧскалык дӥськутэн туспуктэмъёссэс ваньзы мерлыко вотэсбамъёсазы пуктӥзы. Озьы соос асьсэлэсь удмурт лулчеберетэн герӟаськемзэс возьматӥзы.

“Та ужрад возьматӥз – удмурт йӧскалык дӥськут вунэмын ӧвӧл, Удмуртиысь лымшор но уйпал ёросъёсын улӥсьёс сое туннэ утё но нулло”, – ивортэ Дэбесысь лулчеберетъя но туризмъя «Сибыр тракт» центрлэн пресс-службаез.

Тодэ вайытом, удмурт дэремлы сӥзем акциос элькунлэн пӧртэм ёросъёсаз пӧртэм вакытэ ортчыло. Кылсярысь, Пичи Пурга ёросын сое Анай кыллэн калыккуспо нуналэзлы тупатӥзы, нош Уваын – Герберлы дасяськонлы.

https://udmurt.media/udm/news/kultura-i-turizm/44672/

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий