30 сюрс георгиевской лентаос люкылозы 9-тӥ куартолэзёзь Удмуртиын

30 сюрс георгиевской лентаос люкылозы 9-тӥ куартолэзёзь удмуртиын 1

25-тӥ оштолэзьысен 9-тӥ куартолэзёзь волонтёръёс георгиевской лентаос кузьмалозы. Соосты элькунысьтымы вань муниципал кылдытэтъёсын люкылозы. Акцие 250 волонтёръёс пыриськозы.

Георгиевской лента – со фашизмез быдтон понна улонзэс сётэм адямиосты буре ваемез возьматӥсь пус; со фронтэ ваньзэ сётэм муртъёслы тау карон; со ожысь ветеранъёсты гажемез но Быдӟым Вормонэн данъяськемез возьматон.

Ижкарын Вормон пусэз 25-тӥ но 26-тӥ оштолэзе люкылозы.

25-тӥ оштолэзе:

11 час 30 минутэ – Удмурт кун университетысь кыкетӥ но куатетӥ корпусъёсын;

13 час 40 минутэ – Ижкарысь кун эм академиысь куинетӥ корпусын;

16 час 30 минутэ – Вормон Скверын, Ижсталь заводлэн но Механической заводлэн шор пыроназы;

17 часын – «Петровский», «Талисман», «Аврора парк» вузкарон центръёсын но чугун сюрес вокзалын;

17 час 30 минутэ – Удмуртиысь драмая ӟуч кун театрын, «Ленин ёрослэн администрациез» дугдылонниын, «Радиотехника», «Дом одежды», «Медведь» вузкарон центръёсын.

26-тӥ оштолэзе:

11 час 40 минутэ – Ижкарысь техникая кун университетын;

16 часын – «Ашан» гипермаркетын;

16 час 30 минутэ – «Купол» заводын;

17 часын – «Родина» магазинын, «Столица» вузкарон центрын, Молодёжной урамысь «Магнит» магазинын но Шор площадьын.

«Георгиевская лента» акция Удмуртиын витетӥзэ ортче ини. Кылем арын элькунын 25 сюрс пала лентаос люкылӥзы. Туэ 30 сюрс дасязы.

https://udmurt.media/udm/news/obshchestvo/54665/

 

Поделитесь с друзьями:
Аватар александр бикузин

Журналист, редактор сайта, руководитель и куратор медийных проектов, продюсер и ведущий интернет-телеканала «Даур ТВ»

Дом Дружбы народов
Добавить комментарий