27 адями собеседованиез ортчиз йӧскалык резервлэн кивалтон ӧраз сюрон понна

Йӧскалык резерв кылдытон сярысь 20 аръёс пала вераськон мынэ ни. Туэ уж вырӟиз.

Ортчем собеседование мытэм вожвылъяськонлэн кыкетӥ люкетэзлы кутскон сётиз. Кенешизы резервлэн кун кивалтон группаяз сюрыны быгатӥсь кандидатъёсын. Кандидатъёс пӧлын трос гинэ тодмо нимъес: Кизнер ёрослэн тӧроез Александр Плотников, “Удмурт дунне” газетлэн валтӥсь редакторез Зинаида Рябинина. Удмурт кылосбуръя, финноугроведениея но журналистикая институтэн кивалтӥсез Наталья Кондратьева.

Пумиськонэ вуэм адямиос – со оперативной резерв. Соосты ӵуказе ик кивалтон уже пуктыны луоз – пусъе “Удмурт кенешлэн” тӧроез. Но ассоциацилэн та бадӟым проектэз мед ужалоз шуыса, Татьяна Ишматова йӧскалык резерв сярысь вераськон ӝутӥз Элькун тӧролэсь ужъёссэ быдэсъясен Александр Бречаловен но.

«Со туж ушъяз та ужмес, – шуэ Татьяна Ишматова. – Со дыре ик паймиз, ми сыӵе ужез мытӥм шуыса. Кык юан сётӥз. Мон валасько, со шонер юанъёс: нырысетӥез – та адямиос понна быгатоды-а асьтэос дурбасьтыны? Кыкетӥез – ӵектэм муртъёс удмурт луэм сянэ, зэмос профессионалъёс луыны кулэ».

Ваньмыз со лыдэ басьтӥське котькуд кандидатъя кенешыку, – пусъе Татьяна Ишматова. Ас удысаз вылӥ быгатонлыко ӧнерчи, удмурт калыклы пайда ваемен ӵош Элькунэз но азинтыны юрттоз.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий