2020-тӥ арын Удмуртия кунлык басьтэм дырысен 100 ар тырмоз

Оргкомитет огазеялоз Элькун торлыкысь кивалтӥсьёсты, вань муниципал кылдытэтъёслэсь тӧрооссэс, ужбергатӥсьёсты. Со сяна юбилеез пусъён пумысен асьсэлэсь ужрадъёссэс ӵектыны быгатозы вань мылкыд карисьёс но.

Ӵектонъёсты эскероз нимысьтыз кылдытэм группа. Соин кивалтоз ачиз Бречалов, озьы ик “Удмурт кенеш” ассоциацилэн сӥё-дано президентэз Валентин Тубылов но П.Чайковскийлэн музееныз кивалтӥсь Татьяна Неганова.

“Туннэ нуналлы юбилеен валче одӥг уж юнматэмын ини – удмурт лулчеберетъя центр интыяськоз Короленко театрлэн азьвыл юртаз”, – пусйиз Элькун тӧролэсь ужзэ быдэсъясь. Матысь дыре со Росси президент доры Удмуртилэн кунлык басьтэм дырысеныз 100 ар тырмонэз пусъён сярысь пуктэт кутон пумысен вазиськоз.

 

Контентмейкер, мемолог и журналист

Дом Дружбы народов
Добавить комментарий